ભાલેજ પોલીસે દાગજીપુરા ગામમાં આત્મહત્યાના કેસના આરોપી ઝડપ્યા

 આબરૂ જાળવવા માટે જીવન ગુમાવવું પડ્યું – એક કુટુંબની કથા હવે સમગ્ર સમાજ માટે ચેતવણી બની ગઈ છે

પ્રેમ સંબંધને કારણે વધેલી દબાણભરી પરિસ્થિતિ, અંતે મરણ… પોલીસએ ઝડપ્યા બે આરોપી

આણંદ જિલ્લાના ઉમરેઠ તાલુકાના દાગજીપુરા ગામના ભરતભાઈ રમણભાઈ ઠાકોરે, સામાજિક આબરૂ અને દબાણ વચ્ચે જીવ ગુમાવ્યો હોવાની ઘટના સમગ્ર વિસ્તારમાં ચકચાર મચાવી રહી છે.

માહિતી મુજબ, ભરતભાઈની પત્ની સાથે ગામના વિરલભાઈ પ્રભાતભાઈ ઠાકોરના ગેરસંબંધ હતા. ભરતભાઈએ ઘણી વખત વિરલભાઈને સમજાવ્યા છતાં કોઈ ફરક ન પડતાં પરિવાર તથા સમાજમાં સતત અપમાન સહન કરવું પડતું હતું.

ગયા તા. ૧૦ સપ્ટેમ્બરનાં રોજ વિરલભાઈ અને તેના મિત્ર ભાવેેશભાઈ આશાભાઈ ઠાકોરે ભરતભાઈના ઘરે આવી ઝઘડો કર્યો અને “પ્રેમ સંબંધમાં ટાંગ આડવી તો જાનથી મારી નાખીશું” એવી ખુલ્લી ધમકી આપી. આ સતત વધતા ત્રાસને કારણે ભરતભાઈએ એ જ દિવસે દાગજીપુરા પાસે પસાર થતી રેલવે લાઇનમાં માલગાડી નીચે કૂદી પડતાં જીવ ગુમાવ્યો.

ધમકી જે બની મોતનું કારણ

૧૦ સપ્ટેમ્બરે વિરલભાઈ પોતાના મિત્ર ભાવેેશભાઈ સાથે ભરતભાઈના ઘરે પહોંચ્યો.

ત્યાં ગરમાગરમીમાં બંનેએ ભરતભાઈને ધમકી આપી: “જો પ્રેમ સંબંધમાં આડી આવશો તો જાનથી મારી નાખીશું.”

આ શબ્દો માત્ર ધમકી નહોતા – એ ભરતભાઈ માટે જીવલેણ સાબિત થયા. આ ત્રાસ અને અપમાનના ભારથી એ જ દિવસે ભરતભાઈએ રેલવે લાઇન પર કૂદીને પોતાનું જીવન સમાપ્ત કરી દીધું.

ઘટનાની ગંભીરતા જોતા ભાલેજ પોલીસ સ્ટેશનના પોલીસ અધિકારીશ્રીઓએ ટેકનિકલ સર્વેલન્સ અને ચોક્કસ માહિતી આધારે ઝડપથી તપાસ હાથ ધરી. તા. ૧૫ સપ્ટેમ્બરે બંને આરોપી વિરલભાઈ અને ભાવેેશભાઈને ઝડપી પાડીને કોર્ટમાં રજુ કર્યા હતા. હાલ તેમને બે દિવસનો રીમાન્ડ મળ્યો છે અને વધુ પૂછપરછ ચાલી રહી છે.

આ કામગીરીમાં સુ.શ્રી એ.આર. બાથમ (પોલીસ સબ ઇન્સ્પેક્ટર), એએસઆઇ મહેન્દ્રભાઈ તથા ભાલેજ પોલીસ ટીમે મહત્વની ભૂમિકા ભજવી હતી.