- ગૌણ સેવા પસંદગી મંડળ દ્વારા વિવિધ 4300 પોસ્ટ માટે ભરતી
- ગ્રુપ Aમાં હેડ ક્લાર્ક, સિનિયર ક્લાર્ક, સહિત 18 પોસ્ટ
- ગ્રુપ Bમાં જુનિયર ક્લાર્ક અને આસિસ્ટન્ટ ડેપો મેનેજર પોસ્ટ
ગુજરાત સરકારના ગૌણ સેવા પસંદગી મંડળ દ્વારા વિવિધ પોસ્ટ માટે 4300+ ભરતી બહાર પાડવામાં આવી છે. ગ્રુપ Aમાં હેડ ક્લાર્ક, સિનિયર ક્લાર્ક, ઓફિસ આસિસ્ટન્ટ સહિત 18 જેટલી પોસ્ટ માટેની ભરતીની જાહેરાત કરવામાં આવી છે.અને ગ્રુપ B માં જુનિયર ક્લાર્ક અને આસિસ્ટન્ટ/ આસિસ્ટન્ટ ડેપો મેનેજર પોસ્ટ માટેની ભરતીની જાહેરાત કરવામાં આવી છે.
ગુજરાત સરકારના ગૌણ સેવા પસંદગી મંડળ દ્વારા કુલ 20 કેડરની 4300 જગ્યાઓમાં ભરતી કરવામાં આવશે. GSSSB દ્વારા બહાર પાડવામાં આવેલી ભરતીમાં ઉમેદવારો https://ojas.gujarat.gov.in/ વેબસાઈટ પર 4 જાન્યુઆરી 2024 બપોરે 2:30 થી 31 જાન્યુઆરી રાતે 11.59 કલાક સુધી ઓનલાઈન અરજી કરી શકશે.
પરીક્ષા ફીમાં પણ મંડળે ફેરફાર કર્યો છે. 500 રૂપિયા ફી દરેક ઉમેદવાર ભરવાની રહેશે. મંડળ દ્વારા પાસ થયેલા ઉમેદવારોને પરીક્ષા ફિ પરત આપશે. ગુજરાત ગૌણ સેવા મંડળની પરીક્ષા માટે હવે ઉમેદવારોએ વધારે પરીક્ષા ફી આપવા તૈયાર રહેવું પડશે. ગુજરાત ગૌણ સેવા પસંદગી મંડળ પરીક્ષા ફીમાં વધારો કરવાનો નિર્ણય કર્યો છે. 111 રૂપિયાના બદલે ગૌણ સેવા પસંદગી મંડળ હવે રૂ. 500 પરીક્ષા ફી લેશે. અનામત વર્ગમાં આવતા ઉમેદવારોએ રૂ. 400 પરીક્ષા ફી ભરવાની રહેશે. પરીક્ષા ફી ભરવા માટે ઉમેદવારોને આપશે ઓનલાઇન પેમેન્ટની સુવિધા આપવામાં આવશે.
